Aula virtual 3C

     Na cidade de Pontevedra visitamos tamén  CITA (Centro de Interpretación das Torres Arzobispais) que se atopa preto da Praza de España.

   CITA é o primero centro museográfico municipal de Pontevedra que ten como único elemento en superficie un acceso a modo de boca de metro acristalada, na rúa Maestro Mateo.

    No seu interior ten tres partes diferenciadas:

    

  Primeiro, a entrada, onde se ofrece  información contextual da Pontevedra medieval e moderna. Aquí hai unha maqueta a escala do que foi o edificio do pazo-fortaleza, unha colección de cerámica de diferentes épocas e sete pantallas táctiles con actividades interactivas.

     Despois, a parte central, onde observamos a escarpa e a contraescarpa do foxo e unha ponte elevadiza, catapultas de pedra e pezas de cerámica atopadas na excavación.

    

   Finalmente, o fondo, onde visionamos un audiovisual en tres dimensións con alusións á historia local de Pontevedra.

                                                                Equipo de Traballo