Aula virtual 3C: 2013

Exposición dos Beatles

Para as Letras Galegas deste ano,o colexio organizou unha exposición sobre os Beatles.

Cada clase fixo murais e traballos moi interesantes sobre a vida, cultura, sociedade...desa época.

Nós fixemos un monográfico sobre vida e discografía de cada un dos compoñentes desta banda emblemática dos anos 60: John Lennon, Paul Mc.Carney, George Harrinson e Ringo Star.

En murais, con forma de guitarras e discos de vinilo, fomos elaborando as biografías e as discografías de cada un deles con explicación bilingüe (galego-english) a modo de figuras musicais.

EQUIPO DE TRABALLO

Traballamos para o Libro viaxeiro

0 comentarios

   Como sabedes o Libro viaxeiro é unha actividade organizada pola biblioteca na cal participamos tod@s e consiste en que cada clase vai continuando a historia que unha comeza.
    Este ano comezou 4º e 5º e a nós tocounos rematar e facerlle a portada.

Gustounos facer este traballo porque ten moito de creatividade, imaxinación e expresión artística.

A nosa parte quedou así...

TÍTULO E PORTADA

REMATE DA HISTORIA

Equipo de traballo

Ximnasia Rítmica

0 comentarios

Traballo feito por Maika.

A horta

0 comentarios

· Esta semana foi unha semana especialmente entretida, xa que fixemos moitas actividades produtivas e tamén creativas; a verdade é que disfrutamos un montón.

Á nosa clase tocounos rematar de plantar as hortalizas e aprendimos que hai que procurar sempre mellorar para sacar o máximo rendemento.

Á segunda hora, fomos saíndo por grupos, cada un coa súa plantiña: primeiro facíamos o burato, despois enterrabámola e, a continuación, preparamos o rego por goteo.

Esta actividade tan divertida e educativa ensínanos como cultivar as nosas hortalizas e como coidar a horta,

xa que despois de todo, o que fixemos, foi algo educativo e instrutivo.

A min gustoume porque é moi divertido traballar en equipo.

Mónica

Encontro

1 comentarios

O día 23 de abril foi elixido como Día Internacional do Libro, pois coincide co falecemento de Miguel de Cervantes, William Shakespeare e o Inca Garcilaso da Vega na mesma data no ano 1616 (aínda que realmente non é así: Cervantes faleceu o 22 e foi enterrado o 23, mentres que Shakespeare morreu o 23 de abril do calendario xuliano, que corresponde ao 3 de maio do calendario gregoriano). Nesta data tamén faleceron William Wordsworth (en 1850) e Josep Pla (en 1981).

A Unión Internacional de Editores propuxo esta data á Unesco, co obxectivo de fomentar a cultura e a protección da propiedade intelectual por medio do dereito de autor.

A Conferencia Xeral da Unesco aprobouna en Parides o 15 de novembro de 1995, polo que a partir de dita data o 23 de abril é o "Día Internacional do Libro e do Dereito de Autor".

Equipo de traballo

Traballamos en equipo

0 comentarios

Equipo de traballo.

Conta a historia...

0 comentarios

...que un gato chamado Cat atopouse cun rato chamado Mousse que presumía de ser máis áxil e forte ca el e este un día lle dixo:

_ Eu, pode que sexa máis pequeno ca ti, pero son moi rápido e intelixente.

De súpeto, comezaron a rifar e Cat quería coller a Mousse para lastimalo, pero este foi máis listo e meteuse no burato, mais sentiuse un pouco triste pola pelexa que tiveron.

Ao día seguinte,chegou o dono de Cat cunha nova mascota que, ao parecer, era moito máis tolerante porque fora moi ben educada.

_Ola! Chámome Cat.

_Ola! Eu son Dog, o novo.

Cat explicoulle a Dog o que sucedera con Mousse. Dog founo a buscar e lle dixo:

_ Sabes? Cat contoume o que vos pasou.

_ A min tampouco me gustou, pero é moi presumido e claro...tivemos que rifar.

_Ben, pois vou chamar a Cat e tentaremos buscarlle solución.

_Vale.

_Cat e Mousse, primeiro vos desculpades porque os dous sodes igual de importantes.

_Ben, eu penso que tes razón, foi unha tontería, non cres?

_Si tes razón.

Dende aquel día, grazas a Dog, aprenderon a ser tolerantes e fixéronse amigos para sempre.